(I) Tras moito andar cheguei a un lugar onde nin a lealdade nin a habilidade nin o bo xuízo nin o clero (a cultura) vexo apreciar, nin pode alí un home gañar nada do seu señor se non louva e adula canto lle vexa facer e non lle di nada, aínda que lle vexa sementar sal.

(II) E quen alí chegar, como eu cheguei, sen mentir e non tiver o mal por ben, hase afastar de alí como eu me vin afastar a min mesmo, mais non como eu vin saír de alí a alguén: non quero dicir nin quen nin como; e vin noutro lugar a quen non quere nin pode ser mentireiro, nin abandonar a boa fama.

(III) Mentres alí estiven, soñei este soño moitas veces; e a quen vin no soño? Vin a bubela forzar a cerceta, e a bubela coa crista que ten, e a cerceta..., que significa isto? Ou como a pode dominar unha bubela? Este soño, quen o pode interpretar?