(I) Falar quero do brial que o infanzón por Nadal deu á súa muller; e fixo mal: con gran traizón a matou, porque lle no xaneiro facer mandou un brial e o manto lle levou.
(II) O infanzón de Alván, de cabelo encanecido, é homicida de moitos; se for perante o rei diranlle que matou unha fermosa dama, porque lle no xaneiro facer mandou un brial e o manto lle levou. 
(III) Brialesca, vaite de aquí a onde estea Lopo Lias e dille que faga alí cantigas por min ao que a dama matou, porque lle no xaneiro facer mandou un brial e o manto lle levou.
(IV) Cantos trobadores do Orcellón alí están ben che axudarán a facer escarnio do infanzón, que matou unha dama fermosa porque lle no xaneiro facer mandou un brial e o manto lle levou.