(I) María Balteira, por que xogades aos dados, se os maldicides? Direivos unhas novas para que as saibades: póndesvos a mal con cantos vos coñecen, porque vos direi o que lles ouzo dicir: que vós non debedes falar mal deles (dos dados), pois dona sodes e xogar queredes.
(II) E se disto non vos corrixides, non coñezo ningún home con que poidades estar ben, aínda que teñades maneiras moi refinadas, pois tan gran pracer tendes de blasfemar; e direivos outra cousa: se volo escoita un home nobre terávolo a mal e nunca con el xogaredes.
(III) E nunca vós, dona, me creades, se por mor destas blasfemias que dicides despois non entrades algunha vez en gran vergoña con tal home e pasades a noite (con el), pois soñaredes cos dados entón e, se blasfemardes (durante o soño), así Deus me perdoe, no soño moi gran vergoña teredes.