(I) Nunca vin coitas tan diversas como me facedes sufrir, señora, e non vos queredes apiadar de min, e, sequera por Deus, tende piedade de min, porque, señora, morro, e vede o que me acontece: se vos alguén quere mal, quérolle eu mal, e quero mal a cantos vos queren ben.

(II) E aos meus ollos, con que vos eu vin, quérolles mal, e a Deus, que me vos fixo ver, e á morte, que me deixa vivir, e (quero) mal ao mundo por ter nacido nel, porque, señora, morro, e vede o que me acontece: se vos alguén quere mal, quérolle eu mal, e quero mal a cantos vos queren ben.

(III) A miña sorte quero eu moi mal, e quero mal ao meu corazón, e todo isto, señora, coitas son; e quero mal a Deus xa que non me socorre, porque, señora, morro, e vede o que me acontece: se vos alguén quere mal, quérolle eu mal, e quero mal a cantos vos queren ben.

(1) E acho que obro con xustiza e con siso querendo mal a quen vos quere mal e ben.