(I) Xa que vos ides de aquí, ai meu amigo, aconsellareivos ben, se me credes: regresade o máis axiña que poidades e disporei como faledes comigo, e, despois, amigo, de comigo falardes, que me suceda o que me vós pidades.

(II) Non me tardedes como outra vez me tardastes, pois diso teño moito medo, antes esforzádevos en virdes cedo, que a nosa conversa está moi ben disposta, e, despois, amigo, de comigo falardes, que me suceda o que me vós pidades.

(III) E, se vós queredes o meu pracer, tende presente o que vos rogo, pois vos ides, de virdes axiña, e falarei convosco de moi bo grado, e, despois, amigo, de comigo falardes, que me suceda o que me vós pidades.