(I) Señora de min e do meu corazón, dicides que de ningún modo tendes poder para me facerdes ben; xa que o dicides, non digo eu que non (sexa así), mais, miña señora, dicídeme unha cousa: tal como vós me podedes facer mal, non me podedes así facer ben?

(II) E, miña señora, moi gran poder vos deu Deus sobre min; e dicides, señora, que non me podedes amar! Xa que o dicides, eu créovolo, mais, miña señora, dicídeme unha cousa: tal como vós me podedes facer mal, non me podedes así facer ben?

(III) E, miña señora, xa sempre vos dirán, se eu morro, que tendes a culpa diso, e vós dicides que non é así; xa que o dicides, así é, con certeza, mais, miña señora, dicídeme unha cousa: tal como vós me podedes facer mal, non me podedes así facer ben?

(1) E, miña señora, xamais eu direi cousa ningunha contra vós, a non ser que perda o sentido, (2) pois, miña señora, quen home ten no seu poder e lle fai mal (tamén) lle pode facer ben.