(I) Señora fermosa, para o meu mal vos viron estes ollos meus, pois desde entón así o quixo Deus e a miña ventura, que é tal que nunca vos ousei dicir o que vos quería dicir.

(II) E doutra cousa eu tiven que falar convosco, señora, sempre cando falei convosco, vede por que: porque me gardei tanto de vos dicir (algo que vos causase) pesar que nunca vos ousei dicir o que vos quería dicir.

(III) Sabede moi ben (isto): desde que eu vos vin por primeira vez sempre sufrín unha coita moi grande, e así quixo Noso Señor que nunca vos ousei dicir o que vos quería dicir.