I. Edicións críticas: Lang (1972 [1894]: 38 [= LPGP 232-233]); Nunes (1972 [1932]: 130-131); Littera (2016: I, 186-187).
II. Outras edicións: Moura (1847: 56-58); Monaci (1875: 51); Braga (1878: 24); Machado & Machado (1952: III, 91-92); Júdice (1997: 113); Montero Santalha (2004).
III. Antoloxías: Pimpão (1942: 38); Torres (1977: 237).
3 eu] ē B 4 mi] mī B 10 morrer] moirer B
Lang presenta como refrán o derradeiro verso de cada estrofa.
13 vos] vós Lang
(I) Señora, oxalá eu tivese hoxe vagar e Deus me dese para iso o poder para vos poder contar o gran mal que me fai sufrir esa vosa fermosura, señora, a quen El non lle fixo par, (II) pois, se vos puidese falar diso, penso que perdería moita da gran coita e do pesar con que hoxe eu me vexo morrer, porque non me pode esquecer esta coita que non ten par, (III) porque me fixo Deus amar tanto, e ademais fíxovos de tanta valía, que non podo hoxe imaxinar, señora, como poderei vivir, xa que non me queredes tirar esta coita que non ten igual.
Esquema métrico: 3 x 8a 8b 8a 8b 8b 8a (cfr. RM 79:16)
Tal como acontece na cantiga 26, nesta cantiga dionisina tamén aparece un hipotético refrán constituído polo último verso nas estrofas II e III, que na primeira estrofa presenta unha redacción totalmente diferente, imposibilitando a súa consideración como tal.
Sobre o carácter de verdadeira cantiga ateúda desta composición, con estrofas ligadas causalmente coa conxunción ca, véxase nota á cantiga 15. Non obstante, esta ligazón causal non é considerada en ningunha das edicións precedentes.
A pesar de seren formas de subxuntivo, ouvesse e desse funcionan como verbos principais do período, de carácter desiderativo, cun uso sintáctico que se documenta esporadicamente na lingua medieval:
E hora Deus quisesse que Julyo Cesar lançasse bestas mortas e outras peçonhas nos ryos e nas fontes e leixassenos fartar d’augua! (Crónica Geral de Espanha de 1344; Cintra 1952-1990: II, 123).
E quisesse ora Deus que nós... (Confessio Amantis; Faccon 2012: 283).
No corpus trobadoresco profano aparece o mesmo uso en 237.3, 310.16-17, 311.16, 376.16, 532.1, 812.9.
Anterior
